Արարատի մարզի գազալցակայանում պայթյուն է եղել
Մարտի 4-ին՝ ժամը 16։50-ի սահմաններում Արարատի մարզի Այգավան գյուղի մոտակայքում գազալցակայանում պայթյուն է տեղի ունեցել, որին հաջորդել է փլուզում։ Նախնական տվյալներով՝ կա երկու տուժած, ովքեր տեղափոխվել են հիվանդանոց։ Նրանց ինքնությունը պարզվում է։
Ըստ նախնական տեղեկությունների՝ պայթել է հեղուկ գազի մոտ 25 տոննա գլանատակառը։ Պայթյունին հաջորդել է հրդեհ։ Հրշեջները մարել են կրակն ու այս պահին տեղում հերթապահություն են իրականացնում:
Դեպքի վայր են ժամանել Արարատի և Վեդիի հրշեջ-փրկարարական ջոկատներից 4 մարտական հաշվարկ:
Պայթյունի հանգամանքները պարզվում են