Նոր մանրամասներ մանկատանը մահացած երեխայի մասին
Մարտի 17-ին հայտարարություններ էին տարածվել այն մասին, որ Շիրակի մարզի «Երեխաների տուն» մանկատանը 13-ամյա երեխա է մահացել։ Քննչական կոմիտեի մամուլի քարտուղար Կիմա Ավդալյանը Amnews-ի հետ զրույցում հայտարարեց, որ դիակի վրա բռնության հետքեր չեն արձանագրվել․
Դեպքի առթիվ, հաղորդման հիման վրա, Շիրակի մարզի քննչական վարչությունում նախաձեռնվել է քրեական վարույթ Քրեական օրենսգրքի 155-րդ հոդվածի 1-ին մասի հատկանիշներով (սպանություն, հանկարծամահություն)։ Այս պահին կատարվում է նախաքննություն։ Իրականացվում է դիակի դատաբժշկական փորձաքննություն։ Նախնական տվյալներով՝ հանկարծամահություն է եղել, — նշեց Կիմա Ավդալյանը
Շիրակի մարզի Գյումրի քաղաքի «Երեխաների տուն» մանկատանը մեծ թիվ են կազմում նաև հաշմանդամություն ունեցող երեխաները։