Երևանում ուսուցչուհին աշակերտներին անցկացրել է փողոցը չթույլատրված հատվածով․ ոստիկանությունը արձագանքել է

Երևանում ուսուցչուհու և երեք ծնողների նկատմամբ կազմվել են վարչական իրավախախտման արձանագրություններ։

Ապրիլի 17-ին սոցցանցերում տեսանյութ էր տարածվել, որտեղ երևում էր, թե ինչպես են աշակերտները ուսուցչուհու ուղեկցությամբ հատում փողոցը չթույլատրված հատվածով։

Ոստիկանության փոխանցմամբ՝ տեսանյութից հետո իրականացվել են միջոցառումներ, և հայտնաբերվել են դեպքի մասնակիցները։

Իրավախախտման արձանագրություններ են կազմվել ուսուցչուհու և երեք ծնողների նկատմամբ։

Հիշեցնենք, որ փողոցը չնախատեսված հատվածով անցնելու համար ոստիկանությունը քաղաքացիներին տուգանում է 5,000 դրամով: