«Սևան Ակվա»-ի ձկները վաճառվել են շուկայականից ցածր գնով․ պաշտոնյաները հափշտակել են 247 մլն դրամ
«Սևան Ակվա» ընկերության շուրջ քրեական գործը արդեն դատարանում է։ Ըստ Հակակոռուպցիոն կոմիտեի հաղորդագրության՝ հիմնադրամի նախկին ժամանակավոր պաշտոնյաները խախտել են օրենքը՝ ընկերությանը պատկանող ձկնատեսակները շուկայականից զգալիորեն ցածր գնով իրացնելով։ Պաշտոնեական դիրքի չարաշահման հետևանքով պետությանը պատճառվել է շուրջ 247 միլիոն դրամի վնաս։
Քննության տվյալներով՝ 2021 թվականին հիմնադրամի ժամանակավոր պաշտոնակատարն առանց պատշաճ իրավական հիմքի և մրցույթի ձևակերպել է գործարք, որի շրջանակում շուրջ 170 միլիոն դրամի վնաս է հասցվել պետությանը։ Բացի այդ, նույն գործով մեկ այլ պաշտոնատար անձ և տնտեսվարող միավոր ևս ձկնատեսակների իրացմամբ պատճառել են շուրջ 77 միլիոն դրամի լրացուցիչ վնաս։
Մեղադրյալներից մեկի նկատմամբ որպես խափանման միջոց ընտրվել է կալանավորումը, իսկ մյուսների գույքի վրա դրվել է արգելանք։ Գործի շրջանակում արդեն իսկ վերականգնվել է որոշ վնաս՝ շուրջ 7 միլիոն դրամ։
Գործն արդեն ուղարկվել է Հակակոռուպցիոն դատարան։ Մեղադրանքները ներկայացվել են ՀՀ քրեական օրենսգրքի «պաշտոնեական դիրքի չարաշահում» և «վատնում» հոդվածներով։
Հիշեցնենք, որ «Սևան Ակվա»-ն մասնավոր ընկերություն է, որն իրականացնում է Սևանի իշխանի վերարտադրման և ձկնաբուծության ծրագրեր։