Նորքի այգիներում թմրանյութ տեղադրելու պահին ձերբակալվել է 43-ամյա կին
Հունիսի 24-ին Նորքի այգիներում թմրանյութ տեղադրելու պահին ոստիկանները ձերբակալել են 43-ամյա մի կնոջ։ Նա Երևանի Աբովյան փողոցի բնակիչ է։
Համայնքային ոստիկանության Մարաշի բաժնի ծառայողները ստացել էին օպերատիվ տեղեկություն, որ կինը պատրաստվում է թմրանյութով փաթեթներ տեղադրել այգու տարածքում։ Ժամը 13։40-ի սահմանում, հենց այդ գործողության ժամանակ, իրավապահները նրան տեղում ձերբակալել և տեղափոխել են բաժին։
Նրա ձեռքին եղած շինարարական ձեռնոցում հայտնաբերվել է 40 փոքր փաթեթ՝ մարիխուանայի նմանվող դեղնականաչավուն զանգվածներով։ Ըստ նախնական տվյալների՝ ընդհանուր քաշը շուրջ 65 գրամ է։
Դեպքի առթիվ կազմվել են անհրաժեշտ փաստաթղթեր, որոնք փոխանցվել են քննչական բաժին։ Նախաձեռնվել է քրեական վարույթ։