Դեբեդ գետը աղտոտվել է պոչամբարի արտահոսքից
Օգոստոսի 16-ի առավոտյան Լոռու և Տավուշի մարզերով հոսող Դեբեդ գետը աղտոտվել է: Բնապահպանության և ընդերքի տեսչական մարմինը (ԲԸՏՄ) հայտնաբերել է, որ աղտոտման պատճառը Ախթալայի լեռնահարստացման կոմբինատի «Նահատակ» պոչամբար տանող խողովակի վթարն է եղել։ Տեսչական մարմինը դեպքի առթիվ հաղորդում է ներկայացրել ՀՀ քննչական կոմիտե:
Գետի տարբեր հատվածներից կատարվել են ջրի և հողի նմուշառումներ՝ աղտոտման ծավալները գնահատելու համար։
Առաջացած աղտոտումը սպառնում է գետի էկոհամակարգին. ջրում հայտնված քիմիական նյութերը կարող են վնասել ջրի էկոհամակարգը։ Նման աղտոտումը կարող է նաև վտանգավոր լինել ջրով ոռոգվող հողերի և գյուղատնտեսական մշակաբույսերի համար, ինչպես նաև վտանգ ներկայացնել տեղի բնակչության խմելու ջրի որակին: Դեբեդ գետը Հայաստանի հյուսիսային մասում՝ Լոռու և Տավուշի մարզերում, կարևոր ջրային ռեսուրս է, որն օգտագործվում է գյուղատնտեսության, խմելու ջրի և այլ նպատակներով։ Գետը հոսում է Ախթալա, Դիլիջան, Իջևան և այլ բնակավայրերի միջով։
ՀՀ Քննչական կոմիտեն հետաքննություն է սկսել՝ պարզելու աղտոտման չափերը, պատճառներն ու պատասխանատուներին: