Ամերիկահայ Կարեն Կարագուլյանը նկարահանվում է ամերիկյան թրիլլերում
Ամերիկահայ դերասան Կարեն Կարագուլյանը նկարահանվում է Մայքլ Մարանցի «After» թրիլլերում:
Ֆիլմը «թոշակի անցած» հանցագործ մարդու մասին է, ով քրոջ անհետանալուց հետո ստիպված է նորից սուզվել վտանգի մեջ։ Ֆիլմի հիմնական կադրերը նկարահանվել են Նյու Յորքում:
Հայազգի դերասանի կերպարի, ինչպես նաև ֆիլմի պրեմիերայի ճշգրիտ ամսաթվի մասին կոնկրետ մանրամասներ հասանելի չեն:
Կարեն Կարագուլյանն առավել հայտնի է ռեժիսոր Շոն Բեյքերի հետ իր համագործակցությամբ: Նա նկարահանվել է «Անորա» ֆիլմում, որը Կաննի կինոփառատոնում արժանացել է «Ոսկե արմավենու ճյուղին»:
Շուշան Ասրյան