Հայկական երկու ֆիլմեր ադրբեջանական սպառնալիքների տակ հետ են կանչվել միջազգային կինոփառատոներից
Աշնանը հայկական երկու ֆիլմեր գրաքննության են ենթարկվել և ադրբեջանական սպառնալիքների տակ հետ կանչվել միջազգային կինոփառատոներից։ Սրա մասին հայտնել է գրող Հովհաննես Իշխանյանը։
Գրաքննության են ենթարկվել երկու հայկական ֆիլմեր՝ Կատյա Սպիվակովայի «Այն ամենը, ինչ ինձ պետք է» (11 րոպեանոց գեղարվեստական ֆիլմ Շուշիի մասին), որը Ադրբեջանի ճնշման ներքո դուրս մնաց Մարոկկոյի «Իսնի Նուրղ» կինոփառատոնի ծրագրից։ Երկրորդ ֆիլմը Սարին Հայրապետյանի «Քաղցր տունս ա» վավերագրական ֆիլմն է (Արցախի մասին), որը Հորդանանը առաջադրել էր Օսկարի «Լավագույն ֆիլմ» անվանակարգում, իսկ հետո ինքնաբացարկ հայտնել:
Հայաստանի արտաքին գործերի, ինչպես նաև կրթության, գիտության, մշակույթի և սպորտի նախարարությունները պաշտոնապես չեն արձագանքել սրան։