Սանահինի վանքում շարունակվում են նորոգման աշխատանքները

Հայաստանի Լոռու մարզում Սանահինի վանքի հարավարևելյան հատվածում՝ Սբ Հարություն և Սբ Հակոբ եկեղեցիների, Զաքարյան իշխանների դամբարան-մատուռ-տապանատուն և Արղության-Երկայնաբազուկների դամբարանի տարածքում, շարունակվում են վերականգնման աշխատանքները:

ՀՀ Կրթության, գիտության, մշակույթի և սպորտի նախարարությունից տեղեկացնում են, որ արդեն նորոգվել են Արղության-Երկայնաբազուկների դամբարանի դուռն ու պատուհանները, մաքրվել է հարավային պատի արտաքին ճակատը, բացվել է հենապատը: Շարունակվում են տարածքի բարեկարգման, տապանաքարերի ուղղման աշխատանքները: Զաքարյան իշխանների դամբարան-մատուռ-տապանատան տանիքի նորոգումը նախատեսվում է ավարտել 2026 թվականին: Տանիքը ժամանակավորապես կփակվի անջրաթափանց ծածկույթով:

Սանահինի վանքը, որը գտնվում է Հաղպատ գյուղի մոտ, 10-րդ դարի հայկական ճարտարապետության կարևորագույն հուշարձաններից է: Վանքի հարավարևելյան հատվածում գտնվող Սբ Հարություն և Սբ Հակոբ եկեղեցիները, Զաքարյան իշխանների դամբարան-մատուռ-տապանատունը և Արղության-Երկայնաբազուկների դամբարանը հանդիսանում են վանքի համալիրի անբաժանելի մաս: