Հայաստանի փոխվարչապետը հայտնել է, որ AI-ը կարող է օգնել ստեղծել ԵԱՏՄ տրանսպորտային միջոցների էլեկտրոնային անձնագրեր
Հայաստանի փոխվարչապետ Մհեր Գրիգորյանը Ղազախստանում ընթացող «Digital Almaty» համաժողովում հայտնել է, որ Արհեստական բանականությունը (ԱԲ) կարող է օգնել ստեղծել ԵԱՏՄ տրանսպորտային միջոցների էլեկտրոնային անձնագրեր։
Նա նշել է, որ ԵԱՏՄ թվային նախաձեռնությունների հիմնադրամը պետք է ակտիվ աշխատանք տանի այս ուղղությամբ։ Անդրադառնալով Հայաստանում թվայնացման զարգացմանը՝ Գրիգորյանը նշել է, որ այն գերակա ուղղություն է։ Թվայնացումն օգնում է ձեռնարկություններին և քաղաքացիներին կրճատել ժամանակավոր ու նյութական ծախսերը, իսկ պետությանը՝ կրճատել բյուրոկրատական արգելքները։
Հայաստանում ներդրվող առցանց հարթակների շնորհիվ պետական հաստատությունների հետ փոխգործակցության համար հարմարավետ միջավայր է ստեղծվում:
Հայաստանի փոխվարչապետն ընդգծել է` նման տվյալների շտեմարաններն ազգային հարստություն են և թույլ են տալիս տրամադրել անհատականացված պետական ծառայություններ:
Մհեր Գրիգորյանը նաև գլխավորում է Հայաստանի պատվիրակությունը, որը մասնակցում է հունվարի 30-31-ը Ղազախստանում անցկացվող ԵԱՏՄ միջկառավարական խորհրդի նիստին։