Ավարտվել են Հայաստանի և Իրանի միջև երկրորդ կամրջի կառուցման նախագծային աշխատանքները
Հայաստանում Իրանի արտակարգ և լիազոր դեսպան Մեհդի Սոբհանին լրագրողների հետ հանդիպման կարևորել է Հայաստանի և Իրանի միջև երկրորդ կամրջի կառուցման նախագծային աշխատանքները՝ նշելով, որ դրա համար տարվող աշխատանքներն ավարտվել են։
Սոբհանին Արաքս գետի վրա երկրորդ կամրջի կառուցումն անհրաժեշտություն է համարել։
Այս մասին է վկայում կամրջով անցումների վիճակագրությունը։ Վերջին 10 ամիսների տվյալներով՝ երկու երկրների միջև այցելությունների ընդհանուր թիվը կազմել է 231.293, որոնցից 66.593-ը եղել են Իրանի քաղաքացիներ, 164.700-ը՝ Հայաստանի քաղաքացիներ։
Դեսպանը հավելել է, որ նույն ժամանակահատվածում սահմանը հատել է 126 հազար 890 բեռնատար։ Հայաստանի և Իրանի միջև ապրանքաշրջանառությունը կազմում է 785 միլիոն դոլար։ Նա հարցազրույցի ընթացքում նշել է, որ առաջին փուլում ցանկանում են այդ թիվը հասցնել 1 միլիարդ դոլարի, իսկ հաջորդ փուլում՝ տարեկան 3 միլիարդ դոլարի։