Ֆինանսները թափ են հավաքում, IT-ն՝ դանդաղում, խաղային բիզնեսը՝ կանգ առնում․ ծառայությունների ոլորտն աճում է
Ծառայությունների ոլորտում հունվարին աճը կազմել է +12,6% նախորդ տարվա համեմատ։ Սա, իհարկե, դեկտեմբեր ամսվա +19,4%-ը չէ, բայց զգալիորեն ավելի բարձր է, քան 2023 թվականի սեպտեմբերից սկսած մնացած բոլոր ժամանակաշրջաններում։
Ծառայությունների ոլորտի հիմնական շարժիչը շարունակում են մնալ ֆինանսները, որոնք շարունակում են աճ ցույց տալ՝ +29,0%։ Տեղեկատվական տեխնոլոգիաներն ոլորտում 2024-ի տվյալների համեմատ գրանցվել է +5,3% աճ: Անշարժ գույքի շուկայում գործարքների թվի աճից հետո այս ոլորտում ծառայությունների ծավալը նույնպես աճել է՝ +22,5% տարեկան:
Մասնագիտական և գիտական ծառայությունները տարեկան կտրվածքով աճել են +19,8%-ով: Հետաքրքիր է, արդյո՞ք այս աճը կապված է ընդհանուր հարկային համակարգին անցնելու հետ, թե՞ դա պայմանավորված է շինարարության և հարակից ինժեներական ծառայությունների արագ աճով։
Ժամանցի ոլորտում, որը խաղային բիզնեսի շնորհիվ նախորդ տարի աճի առաջատարներից էր (+11,8%), այս տարվա սկզբին գրեթե ընդհանրապես աճ չկար՝ +0,4% տարեկան։