Պետական աջակցություն սպանդանոցներին՝ 10,000 դրամ մեկ խոշոր եղջերավորի դիմաց
Մայիսի 8-ին Կառավարության նիստում Էկոնոմիկայի նախարար Գևորգ Պապոյանը ներկայացրեց նախագիծ, որով նախատեսվում է յուրաքանչյուր խոշոր եղջերավոր կենդանու սպանդի ծառայության մատուցման համար պետության կողմից 10․000 դրամ տրամադրել։
Եթե 8000 դրամ է, մենք 8000 կվճարենք, եթե 11,000 դրամ է, մենք վճարում ենք 10,000 հազարը, իսկ 1000-ը քաղաքացին է վճարում, իսկ բրուցելոզով հիվանդ կամ դրական հակազդած յուրաքանչյուր խոշոր եղջերավորի դեպքում՝ 15 հազար դրամ, որովհետև բրուցելոզով հիվանդ անասունների մորթն ունի առանձնահատկություններ, բարդություններ,- նշեց նախարարը
Նախագծում նաև նշվում է, որ մորթից հետո ենթամթերքները պետք է վերադարձվեն բնակչին, այսինքն՝ դա այն տրամաբանությունն է, որը գործում է սովորական սպանդանոցային ծառայության դեպքում։
Վարչապետ Նիկոլ Փաշինյանը նշեց, որ նախկինում էլ են տարբեր որոշումներ ընդունվել, սակայն արդյունք տեսնելու համար անհրաժեշտ է հետևողականություն ցուցաբերել։
Էկոնոմիկայի նախարարության տվյալներով՝ տարեկան մորթի է ենթարկվում 220 հազար խոշոր եղջերավոր կենդանի, իսկ սպանդանոցային մորթի է ենթարկվում 22 հազարը, ընդամենը՝ 10 տոկոսը: