Մեղրիում մեղուների անհասկանալի վարքագիծ է գրանցվել
Սյունիքի մարզի Մեղրի համայնքում սեպտեմբերի 16-ին մի շարք մեղվապահներ ահազանգել են, որ իրենց մեղուները անհասկանալի վարքագիծ են ցուցաբերում։ Նախնական տվյալներով՝ հնարավոր պատճառը մեղվաընտանիքների շրջանում տարածվող վարակն է։
Մեղրի համայնքի ղեկավար Խաչատուր Անդրեասյանը անհապաղ արձագանքել է խնդրին և դիմել Սյունիքի մարզպետի աշխատակազմին՝ խնդրի ուսումնասիրության համար մասնագետներ ներգրավելու նպատակով։
Համայնքի բնակիչներին խորհուրդ է տրվում զգոն լինել, սակայն անհանգստանալու անհրաժեշտություն չկա։ Փորձագետների կողմից հետագա ուսումնասիրությունները դեռ շարունակվում են, և առաջիկայում կտրամադրվի ավելի մանրամասն տեղեկություն։
Սյունիքի մարզում մեղվաբուծությունը զարգացող ոլորտ է, սակայն պաշտոնական վիճակագրական տվյալներ, որոնք հստակ տվյալներ կտան մարզում արտադրվող մեղրի քանակի մասին։
Սյունիքի մարզում մեղվաբուծությամբ զբաղվում են բազմաթիվ ընտանիքներ, որոնք արտադրում են բարձրորակ մեղր։ Իսկ Սյունիքի մեղրը հայտնի է ամբողջ Հայաստանում։
Համայնքային մակարդակում իրականացվում են միջոցառումներ՝ մեղվաբուծության զարգացման և մեղրի արտադրության խթանման ուղղությամբ։