Կառավարությունը ֆինանսական օգնություն կտրամադրի անհուսալի վարկառուներին
Կառավարությունը ֆինանսական օգնություն կտրամադրի անհուսալի վարկառուներին, որոնց պարտքը միասին կազմում է շուրջ 1,6 մլրդ դոլար։
Ըստ Վիճակագրական կոմիտեի՝ 2023 թվականի հոկտեմբեր ամսին պաշտոնապես գրանցված աշխատողների (ֆորմալ զբաղվածների) թվաքանակը կազմել է 736,568 մարդ, ոչ ֆորմալ զբաղվածության մեջ է գտնվում 434,200 անձ։ 151,300-ը զբաղված է ոչ գյուղատնտեսական ոլորտում։
Կենտրոնական բանկի տեղեկատվության համաձայն՝ 2024 թվականի հոկտեմբերի 1-ի դրությամբ անհուսալի վարկ ունեցող ֆիզիկական անձ վարկառուների թիվը կազմում է շուրջ 341,000։ Վերջիններիս ընդհանուր վարկային բեռը կազմում է շուրջ 642 մլրդ դրամ (2023 թվականի ապրիլ ամսին կազմել էր 525 մլրդ)։ Ընդ որում, նրանց մինչև 20%-ն է, որն ունի ֆորմալ զբաղվածություն, մնացածը կամ չունեն աշխատանք կամ գտնվում են ոչ ֆորմալ զբաղվածության մեջ։ Նրանց 76%-ի աշխատավարձը ամսական 150,000 դրամից ցածր է, իսկ 60%-ինը՝ նվազագույն աշխատավարձից ցածր, իսկ միջին աշխատավարձը՝ շուրջ 145,000։
Անհուսալի վարկառուների մեծ մասը գտնվում է ոչ ֆորմալ զբաղվածության մեջ, իսկ նրանց մի մասն էլ, որպես անապահով ընտանիք, հաշվառված է Անապահովության գնահատման համակարգում և պետությունից ստանում է նպաստ։ 341 հազար անձանց պարտքը կազմում է մոտ 642 մլրդ դրամ (ավելի քան 1,6 մլրդ դոլար)։
Կառավարությունն աջակցության ծրագիր է առաջարկում այն քաղաքացիներին, որոնց պարտքերը չեն գերազանցում 1 մլն դրամը, ովքեր 2 տարուց ավելի վատ վարկառու են ճանաչվել և դեռևս աշխատում են։ Աջակցության չափը կհավասարվի պարտքը մարելու համար եկամտահարկի վճարումների չափին։ Իսկ բանկերն իրենց հերթին պատրաստ են պարտապանների համար դուրս գրել տուգանքների և տույժերի մինչև 80 տոկոսը։
Ծրագիրը կմեկնարկի 2025 թվականի փետրվարի 1-ից և կտևի մինչև 2026 թվականի հունվարի 31-ը։