Հայաստանի փոխադարձ առևտրաշրջանառությունն ԱՄԷ-ի հետ կազմել է 4․8 մլրդ դոլար
2024 թվականի հունվար-հոկտեմբեր ամիսներին Հայաստանի փոխադարձ առևտրաշրջանառությունն ԱՄԷ-ի հետ կազմել է 4․8 մլրդ դոլար։ Սրա մասին դեկտեմբերի 17-ին անվտանգության խորհրդի քարտուղար Արմեն Գրիգորյանն հայտնել է Արաբական Միացյալ Էմիրությունների նախագահի դիվանագիտական հարցերով խորհրդական Անվար Գարգաշիի հետ հանդիպմանը։
Զրուցակիցները քննարկել են Հայաստանի և ԱՄԷ-ի միջև առկա գործընկերային հարաբերությունները և գոհունակությամբ ընդգծել վերջին շրջանում երկկողմ տնտեսական հարաբերությունների զարգացումը, ինչպես նաև տարբեր ոլորտներում ակտիվացած փոխգործակցությունը, մասնավորապես՝ առանձնացնելով առևտրաշրջանառությունը և զբոսաշրջությունը։
Հանդիպմանը կողմերը նաև մտքեր են փոխանակել «Խաղաղության խաչմերուկ» նախագծի շուրջ և կարևորել նախագծի շրջանակներում երկու երկրների համագործակցությունը:
Հայաստան-ԱՄԷ երկկողմ հարաբերությունները վերջին 5 տարիներին աննախադեպ աճ են գրանցել։ Եթե 2019-ին առևտրաշրջանառությունը 108 մլն դոլարի էր եղել, ապա հիմա այն շուրջ 45 անգամ աճել է։
Սա հիմնականում պայմանավորված է նրանով, որ Հայաստանը վերաարտահանում է ռուսական ոսկին ու ադամանդը։