Հայաստանը Թուրքիայի հետ համաձայնեցրել Է Գյումրի-Կարս երկաթուղով սահմանը հատելու պահանջների գնահատումը
Հայաստանի արտաքին գործերի նախագահ Արարատ Միրզոյանը Սևծովյան տնտեսական համագործակցության կազմակերպության արտաքին գործերի նախարարների խորհրդի 49-րդ նիստին խոսել է Գյումրի-Կարս երկաթուղու հնարավոր շահագործման մասին։
Իր ելույթում Միրզոյանը նշել է, որ «Հայաստանը և Թուրքիան արդեն համաձայնել են համատեղ գնահատել Գյումրի-Կարս երկաթուղով սահմանի անցման տեխնիկական պահանջները»։
Միևնույն ժամանակ, Ադրբեջանին առաջարկել ենք երկաթուղային ենթակառուցվածքը վերագործարկելու, սահմանի հատման և մաքսային ընթացակարգերի պարզեցման և երկու անվտանգության որոշ լրացուցիչ մեխանիզմներ ապահովելու եղանակները,- հավելել է Միրզոյանը։
Նման հայտարարություն այս տարվա հոկտեմբերի 18-ին Միրզոյանը հնչեցրել էր Ստամբուլում տարածաշրջանային «3+3» ձևաչափով հանդիպմանը։ Արգործնախարարի խոսքով՝ «Հայաստանի և Թուրքիայի միջև Գյումրի-Կարս երկաթուղու գործարկումը Հայաստանի և Ադրբեջանի միջև երկաթուղային կապի հետ միասին անմիջապես արդյունավետ կապ կապահովի Պարսից ծոցի, Սև ծովի, Կասպից ծովի և Միջերկրական ծովի միջև»։
Երկաթուղու հայաստանյան հատվածի երկարությունը կազմում է մոտ 21 կմ։ 2022 թվականին Տարածքային կառավարման և ենթակառուցվածքների նախարարությունից նշել են, որ նախնական հաշվարկներով վերականգնման աշխատանքները կկազմեն մոտ 16,8 մլն դոլար։
Հայաստանի և Թուրքիայի միջև ցամաքային սահմանը փակ է 1993 թվականից: Սակայն, հայ-թուրքական հարաբերությունները վերջին տարիներին դինամիկա են գրանցել։ Երկու երկրների սահմանի կարգավորման հարցում բանակցություններ են սկսվել։ Հայաստանի ներկայացուցիչ Ռուբեն Ռուբինյանը և Սերդար Քըլըչը մի քանի հանդիպում են ունեցել։ Ամռանը կայացած հանդիպմանը կողմերը ընդգծել են կարգավորման գործընթացն առանց որևէ նախապայմանի շարունակելու պայմանավորվածությունը։
Բացի այդ, Արարատ Միրզոյանը ավելի վաղ շեշտել էր, որ Հայաստանն արդեն ավարտել է Թուրքիայի հետ սահմանին գտնվող Մարգարա սահմանային անցակետի շինարարությունը և տեխնիկական վերազինման ապահովումը։ 2022-ի հուլիսին Վիեննայում կայացած չորրորդ հանդիպման ժամանակ կողմերը պայմանավորվել էին բացել ցամաքային սահմանը երրորդ երկրների քաղաքացիների համար ամենասեղմ ժամկետներում: Սակայն, պայմանավորվածությունից երկու տարի անց, նույնիսկ վերջին՝ հուլիսի 30-ի բանագնացների հանդիպումը չտվեց հարցի պատասխանը, թե երբ կիրականացվի այդ պայմանավորվածությունը։
Ռուբեն Ռուբինյանը դեռ 2022 թվականի հուլիսին նշել էր, որ հայ-թուրքական բանակցային գործընթացի հաջողությունը կախված է Անկարայի քաղաքական կամքից, և որ Հայաստանը միշտ կառուցողական է եղել։