Կասեցվել է կաթնամթերքի արտադրամասի գործունեության մի մասը
Երևանի Արցախի թաղամասում գործող կաթնամթերքի արտադրամասում, որը պատկանում է անհատ ձեռնարկատեր Գոռ Սարգսյանին, Սննդամթերքի անվտանգության տեսչական մարմինը հայտնաբերել է խախտումներ։
Լաբորատոր փորձաքննությամբ պարզվել է, որ 08․08․2025-ին արտադրված «Գաուդա» պանիրը չի համապատասխանում անվտանգության նորմերին, քանի որ դրանում հայտնաբերվել են աղիքային ցուպիկի խմբի մանրէներ։
Արդյունքում արտադրողին տրվել է արտադրանքը շուկայից հետ կանչելու և ոչնչացնելու պահանջ, ինչպես նաև հանձնարարվել է ապահովել արտադրանքի համապատասխանությունը ԵԱՏՄ տեխնիկական կանոնակարգերին։
Տեսչական մարմնի որոշմամբ՝ արտադրամասի առանձին արտադրական գործառույթը կասեցվել է։