Նախատեսվում է մյուս տարի մարզային կենտրոններում բացել մշտական մամոգրաֆիկ կենտրոններ
Կրծքագեղձի սքրինինգային ծրագիրը մարզային շրջիկ մամոգրաֆի շրջանակներում շարունակվում է։ Այս մասին 2025 թվականի Պետական բյուջեի քննարկման ժամանակ հայտարարել է առողջապահության նախարար Անահիտ Ավանեսյանը։ 2025 թվականին արդեն նախատեսվում է մարզերում բացել մշտական մամոգրաֆիկ կենտրոններ։
Սքրինինգային ծրագրերի շրջանակներում բացահայտված խնդիրներում կան լավ ցուցանիշներ։ Պետությունը հոգում է կրծքագեղձի վիրահատական և հետազոտական ծախսերը։ Դա է պատճառը, որ շահառուների ցուցանիշն ավելացել է, — ասաց Անահիտ Ավանեսյանը։
Նախարարության աջակցությամբ մեկնարկել է 2 նոր սքրինինգային ծրագիր՝ նորածնային և պրենատալ՝ ներարգանդային, որն ուղղված է մանկական քաղցկեղի վաղ հայտնաբերմանը և բուժմանը։