Արսեն Թորոսյանը առաջադրվել է ԱԺ առողջապահության հարցերի մշտական հանձնաժողովի նախագահի թափուր պաշտոնում
Ազգային ժողովի «Քաղաքացիական պայմանագիր» խմբակցությունը ԱԺ առողջապահության հարցերի մշտական հանձնաժողովի նախագահի թափուր պաշտոնում առաջադրել է պատգամավոր Արսեն Թորոսյանի թեկնածությունը։ Վերջինս 2018 թվականին եղել է Առողջապահության նախարար։ Թորոսյանը իր ելույթում կարևորել է առողջապահական համակարգում ընթացող բարեփոխումներն ու նոր մոտեցումների ներդրումը։
Արսեն Թորոսյանը նշեց, որ ներկայումս մի շարք բուժամբուլատորիաներում համատեղվում են տնօրենի և բժշկի պաշտոնները, ինչը ժամանակին պայմանավորված էր կադրերի և ֆինանսական միջոցների սղությամբ։ Սակայն այս մոտեցումը, ըստ Թորոսյանի, երկարաժամկետ առումով արդյունավետ չէ։
Մենք հիմա, գնալով այդ ճանապարհով, փորձում ենք տարանջատելով լուծել խնդիրը: Եթե մեր գործընկերները իրենց պատկերացնում են բուժական գործի մեջ, չպետք է հավակնեն տնօրենի պաշտոնին: Եթե կհավակնեն, իրենց իրավունքն է, ես չեմ ասում՝ իրավունք չունեն, և այդ հավակնելուց հետո իրենց խնդիրը նաև պետք է լինի իրենց թափուր թողնված հաստիքը լրացնելը: Եթե նրանք կարող են դա անել, ապա քավ լիցի, ողջունելի է այդ մոտեցումը: Եթե չեն կարող, դա իրենց կողմից կլինի ոչ այդքան պատասխանատու վերաբերմունք:
Նախագիծը առաջին անգամ իրականացվել է 2019-2020 թվականներին Վայոց ձորի մարզում։ Այնտեղ կառուցվել է իրավաբանորեն տարբեր կառուցվածք ունեցող ամբուլատորիաների 3 կլաստեր։