Քաղաքացու մոտ հայտնաբերվել է թմրամիջոց
Ոստիկանության փոխանցմամբ՝ Տավուշի մարզում քրեական ոստիկանները բացահայտել են թմրամիջոցների ապօրինի պատրաստման և պահման դեպք։
Քրեական ոստիկանության Տավուշի մարզային վարչությունում օպերատիվ տեղեկություն էր ստացվել, որ Բերքաբեր գյուղի 47-ամյա բնակիչը զբաղվում է թմրամիջոցի պատրաստմամբ և պահմամբ։
Տղամարդը խոստովանել է, որ իր հողամասում աճեցրած կանեփից պատրաստել և պահել է թմրամիջոց։
Նախաձեռնվել է քրեական վարույթ, որի շրջանակում իրականացված զննության ընթացքում տղամարդու առանձնատան տանիքում և անասնագոմում հայտնաբերվել է մարիխուանա տեսակի թմրամիջոցի նմանվող ընդհանուր 183.54 գրամ զանգված։