Պաշտոնական Երևանին անհրաժեշտ Հայաստան-Հնդկաստան համագործակցությունը լարվածություն է առաջացնում տարածաշրջանում
Հայաստանի արտաքին գործերի նախարար Արարատ Միրզոյանը հայտարարել է, որ Երևանը մեծ հետաքրքրություն ունի Հնդկաստանում արտադրված ռազմատեխնիկայի նկատմամբ՝ այն համարելով պաշտպանական բարեփոխումների առանցքային մաս։
Միրզոյանը նշել է, որ վերջին տարիներին Հայաստան — Հնդկաստան ռազմական համագործակցությունն էապես խորացել է, և Հնդկաստանը դարձել է Հայաստանի հիմնական մատակարարներից մեկը։ Հնդկաստանի հետ համագործակցությունը կրկին դժգոհություն է առաջացրել Ադրբեջանում։ Երկրի ԱԳ նախարար Ջեյհուն Բայրամովը Հայաստանին մեղադրում է «ռևանշիստական ձգտումների» մեջ՝ նշելով, որ Երևանի սպառազինումը խոչընդոտում է խաղաղ գործընթացին։
Այս համատեքստում հարկ է նշել, որ Հայաստանը Հնդկաստանի ամենախոշոր գնորդն է ռազմական ոլորտում՝ սպառազինման ծավալները հասել են 600 միլիոն դոլարի։ Հայաստանի ԱԳ նախարարը շեշտել է, որ գնումներն ուղղված չեն որևէ երրորդ երկրի դեմ, այլ նպատակ ունեն ամրապնդել պաշտպանունակությունը։
Հայաստանի Զինված ուժերի ավիացիայի վարչության պետ Հովհաննես Վարդանյանը «Միջազգային պաշտպանական ավիացիոն ցուցահանդես 2024»-ի զորավարժությունների շրջանակում նշել էր, որ դիտարկում են Su-30 կործանիչների արդիականացման հնարավորությունը Hindustan Aeronautics Limited-ի (HAL) օգնությամբ։ Դեռ սեպտեմբերին The Print-ը հայտարարել էր, որ Հայաստանը դիմել է Հնդկաստանին` հնդկական հրթիռների հնարավոր գնման առաջարկով, ինչպես նաև Su-30-ի հնարավոր արդիականացման համար։