Արամ Հովհաննիսյանը վերանշանակվել է ոստիկանության պետի պաշտոնում
Արամ Հովհաննիսյանը վերանշանակվել է ոստիկանության պետ-ներքին գործերի փոխնախարարի պաշտոնում։ Որոշումը դեկտեմբերի 10-ին ստորագրել է Նիկոլ Փաշինյանը։
Արամ Հովհաննիսյանը Ներքին գործերի նախարարությունում աշխատել է 1990 թվականից սկսած։ Նա իր գործունեությունը հիմնականում ծավալել է Արարատի, Արմավիրի մարզերում և Երևանում։
2020-2023 թվականներին զբաղեցրել է ոստիկանության պետի առաջին տեղակալի պաշտոնը։
2022 թվականին վարչապետի առաջարկությամբ և նախագահի հրամանագրով Հովհաննիսյանին շնորհվել է ոստիկանության գեներալ-մայորի կոչում։
2023 թվականի հունվարի 9-ին նշանակվել է Ներքին գործերի նախարարության ոստիկանության պետ-ներքին գործերի նախարարի տեղակալ։ Նա այդ պաշտոնում փոխարինել է 2018 թվականին ոստիկանապետ նշանակցված Վալերի Օսիպյանին։