Արտգործնախարարությունը ամփոփ ներկայացրել է 2024 թվականի դիվանագիտական գործունեությունը

Հայաստանի արտաքին գործերի նախարարությունը ամփոփ կերպով ներկայացրել է 2024 թվականի դիվանագիտական գործունեությունը՝ նշելով, որ շարունակել են ընդլայնել դիվանագիտական կապերը և միջազգային ներկայության աշխարհագրությունը։

Գերատեսչությունը դիվանագիտական հարաբերություններ է հաստատել Պաղեստինի հետ։

Սեպտեմբերի 27-ին Նյու Յորքում ՀՀ ԱԳ նախարար Արարատ Միրզոյանը և Պաղեստինի Պետության վարչապետ Մուհամեդ Մուստաֆան ստորագրեցին «Հայաստանի Հանրապետության և Պաղեստինի Պետության միջև դիվանագիտական հարաբերությունների հաստատման մասին» համատեղ կոմյունիկե, որով Հայաստանը ճանաչեց Պաղեստինի Պետությունը։

Հայաստանը նաև դիվանագիտական ներկայացուցչություններ է հիմնել մի շարք երկրներում։ Ռեզիդենտ դեսպանություն է բացվել Ուրուգվայում, դիվանագիտական գրասենյակներ՝ Լյուքսեմբուրգուն և Սերբիայում։

Բացի դրանցից՝ կայացվել են ռեզիդենտ դեսպանությունների բացման մասին որոշումներ Կիպրոսում և Հունգարիայում։ 2024 թվականին Երևանում բացվել է Կիպրոսի ռեզիդենտ դեսպանությունը: