Սերժ Սարգսյանին նոր մեղադրանք է առաջադրվել
Հայաստանի երրորդ նախագահ Սերժ Սարգսյանի դեմ նոր քրեական հետապնդում է հարուցվել՝ առաձնապես խոշոր չափերի յուրացման կամ վատնման, պաշտոնական դիրքն օգտագործելով առանձնապես խոշոր չափերով փողերի լվացման համար։ Սերժ Սարգսյանի նկատմամբ որպես խափանման միջոց է ընտրվել բացակայելու արգելը։
Գործը վերաբերում է Իսակովի պողոտային և «Եռաբլուր» զինվորական պանթեոնին հարակից տարածքների ապօրինի օտարմանը։
Սերժ Սարգսյանին մեղադրանք է ներկայացվել 18 դրվագ առանձնապես խոշոր չափերով գույք հափշտակելու, 2 դրվագ պաշտոնական դիրքն օգտագործելով հանցավոր ճանապարհով ստացված՝ առանձնապես խոշոր չափերով գույք օրինականացնելու (փողերի լվացում) և 3 դրվագ՝ առանձնապես խոշոր չափերով փողերի լվացմանն օժանդակելու համար, — հայտնում են ՀՀ դատախազությունից:
Հիշեցնենք, որ Իսակովի պողոտայում գտնվող, Պաշտպանության նախարարության հաշվեկշռում գտնվող 11 հա հողատարածքն օտարվել է 2005-2006 թվականներին, երբ Սերժ Սարգսյանը եղել է Հայաստանի պաշտպանության նախարար:
Նշենք նաև, որ սա երրորդ նախագահի առաջին մեղադրանքը չէ։ Նախկինում նա արդարացվել էր դիզվառելիքի գործով։ Նրան նմանատիպ մի շարք մեղադրանքներ է հասցեագրված։