Շվեյցարիայի դեսպանատան մոտ ակցիա է իրականացվում
Ի աջակցություն Բաքվի բանտում պահվող հայ գերիների և պատանդների՝ մարտի 13-ին Հայաստանում Շվեյցարիայի դեսպանատան մոտ ակցիա է իրականացվում։
Ակցիայի մասնակիցները խնդրում են Շվեյցարիայի խորհրդարանի Վերին պալատի խորհրդի անդամներին ընդունել մարտի 18-ին քննարկվելիք «Խաղաղության համաժողով Լեռնային Ղարաբաղի համար» բանաձևը։
2024 թվականի դեկտեմբերին Շվեյցարիայի խորհրդարանի Ստորին պալատի ազգային խորհուրդը ևս ընդունել էր այդ բանաձևը։
Շվեյցարիայի նման պետությունը պետք է ապացուցի, որ հաշտ չէ տեղի ունեցող իրադարձությունների հետ, հաշտ չէ 150 000 անձի բռնագաղթման, էթնիկ զտման, նրանց պատմական ու մշակութային ժառանգության ոչնչացման և հայրենազրկման հետ, — ասում է Արցախի մարդու իրավունքների պաշտպան Գեղամ Ստեփանյանը
Արցախի Ազգային ժողովի նախագահ Գագիկ Բաղունցը ներկայացրեց բաց նամակը, որն ուղղված է Հայաստանի Հանրապետություն-ում Շվեյցարիայի Համադաշնության դեսպանին։
Ադրբեջանը մշտապես անտեսում է միջազգայնորեն ամրագրված իր պարտավորությունները և անպատժելիորեն գործում։ Ներկայում էլ Բաքվում «դատավարություններ» են անցկացվում ապօրինի ձերբակալված հայ քաղաքացիների, ռազմագերիների և Լեռնային Ղարաբաղի ղեկավարների դեմ։ ԼՂ ժողովուրդը հակամարտություն չի փնտրում, մենք միայն հնարավորություն ենք փնտրում՝ վերադառնալու մեր հայրենիք, բայց այնպիսի պայմաններում, որոնք կերաշխավորեն մեր անվտանգությունը, կպաշտպանեն մեր իրավունքներն ու կապահովեն մեր արժանապատվությունը, — ասված է նամակում։
Հիշեցնենք, որ Արցախի ղեկավարների համար բողոքի զանգվածային ակցիաները դեսպանատների մոտ սկսվել են դեռևս 2024 թվականից։