Հայաստանը դեսպանություն կբացի Օմանի Սուլթանությունում
Հայաստանի Հանրապետությունը նախատեսում է դեսպանություն հիմնել Օմանի Սուլթանության մայրաքաղաք Մասկատում։ Կառավարության ընդունած որոշմամբ՝ դեսպանության բացումը միտված է խորացնելու Հայաստանի և Օմանի միջև քաղաքական երկխոսությունն ու տնտեսական, կրթամշակութային և զբոսաշրջային համագործակցությունը։ Դրան ի պատասխան՝ Օմանն էլ կարող է դեսպանություն հիմնել Հայաստանում։
Հայաստանի Հանրապետության և Օմանի Սուլթանության միջև առկա բարեկամական հարաբերություններում վերջին տարիներին նկատվում է ակտիվություն: Առկա է համագործակցության ներուժ փոխադարձ առևտրի, բեռնափոխադրումների, օդային հաղորդակցության, տեղեկատվական տեխնոլոգիաների, կրթության, գիտության, մշակույթի և զբոսաշրջության ոլորտներում։
Հայկական կողմը ցանկություն է հայտնել Մասկատում ռեզիդենտ դեսպանություն բացել, ինչին ի պատասխան, օմանական կողմը դրական է արձագանքել՝ նշելով, որ նման դեպքերում սովորաբար կիրառվում է փոխադարձության սկզբունք, — նշվում է ծրագրի հիմնավորման մեջ։
Դեսպանության հիմնման ծախսերը առաջին տարվա համար կկազմեն մոտ 345.7 հազար ԱՄՆ դոլարին համարժեք ավելի քան 133 մլն դրամ, որոնցից շուրջ 52 մլն դրամը կտրամադրվի ՀՀ կառավարության պահուստային ֆոնդից։
Ըստ Արտաքին գործերի նախարարության հիմնավորման՝ դեսպանության բացումը համահունչ է Հայաստանի արտաքին քաղաքական առաջնահերթություններին և կնպաստի տարածաշրջանային ու միջազգային կապերի ընդլայնմանը։
ԱԳՆ-ի հրապարակած տվյալներից կարելի է տեսնել, որ երկու երկրների միջև առևտրաշրջանառությունը մեծ թափ է ստացել 2021 թվականից։ Հայաստանը Օման է արտահանում շինարարական քարեր՝ պեռլիտ, գրանիտ, ճոճանակներ; շրջիկ թատրոններ և այլն, ներմուծում է թարմ բանջարեղեն, մրգեր, շոկոլադ, կակաո, ծխախոտ և այլն։