Ֆրիդրիխ Մերցը ընտրվել է Գերմանիայի կանցլեր՝ ձախողված առաջին փորձից ժամեր անց
Գերմանիայի Քրիստոնեադեմոկրատական միության (CDU) առաջնորդ Ֆրիդրիխ Մերցը պաշտոնապես ընտրվել է երկրի կանցլեր՝ չհաջողված նախնական քվեարկությունից հետո։ Նրա թեկնածությանը կողմ է քվեարկել 325 պատգամավոր։ Նրան անհրաժեշտ էր 316 ձայն։ Նրա նշանակումը հաստատել է Գերմանիայի նախագահ Ֆրանկ-Վալտեր Շտայնմայերը։
Այսօր՝ մայիսի 6-ին, քվեարկության առաջին փորձը ձախողվել էր՝ ընդամենը վեց ձայնի պակասով։ Սա աննախադեպ էր Գերմանիայի պատմության մեջ, որտեղ կանցլերի հաստատման գործընթացը սովորաբար «ձևական» բնույթ է համարվում։ Հանկարծակի ձախողումը վերահաստատեց, որ նոր ձևավորված կոալիցիան դեռ կայուն չէ։
Մերցը փետրվարյան ընտրություններում հաղթանակ տարավ, սակայն նրա կուսակցությունը չուներ բավարար ձայներ միայնակ կառավարություն կազմելու համար։ Ապրիլին նա հայտարարեց, որ կոալիցիա է ձևավորել Գերմանիայի հիմնական երկու ուժերի՝ Քրիստոնեադեմոկրատական միության (CDU)-ի և կենտրոնամետ Սոցիալ-դեմոկրատների (SPD) հետ։ Կոալիցիան ուղղված էր ծայրահեղ աջ «Այլընտրանք Գերմանիայի համար» (AfD) ուժը իշխանությունից հեռու պահելուն։