Փաշինյանն նշել է, թե ինչպես պետք է լուծել Ադրբեջանի վերահսկողության տակ գտնվող Հայաստանի ինքնիշխան տարածքների հարցը
Հայաստանի վարչապետ Նիկոլ Փաշինյանը ժողովրդին ուղղված ուղերձում հայտարարեց, որ Հայաստանի և Ադրբեջանի միջև խաղաղություն է հաստատվել։
Օգոստոսի 8-ից հետո մենք ապրում ենք այլ իրականությունում․ այլ Հայաստան, այլ Հարավային Կովկաս։ Մենք պետք է սովորենք՝ ինչ է նշանակում խաղաղ ապրել, – ասաց վարչապետը։
Նրա խոսքով՝ Վաշինգտոնում ձեռք բերված համաձայնությունները ավելի քան 30 տարվա շրջափակումից հետո բացում են Հայաստանի սահմանները։ Փաշինյանը նաև նշեց, որ խաղաղության գործընթացում կարևոր է սահմանազատումը․
Երբ ասում ենք, որ կան Հայաստանի ինքնիշխան տարածքներ, որոնք գտնվում են Ադրբեջանի վերահսկողության տակ, պետք է ասենք նաև, որ կան Ադրբեջանի ինքնիշխան տարածքներ, որոնք գտնվում են մեր վերահսկողության տակ։ Այս հարցը պետք է լուծվի սահմանազատման ընթացքում։
Վարչապետը կրկին ընդգծեց, որ առանց Ղարաբաղի հարցի փակման խաղաղություն հնարավոր չէ։ Նրա խոսքով՝ Արցախից տեղահանված հայերի վերադարձի մասին խոսակցությունները իրատեսական չեն․
Մեր հայրենակիցները պետք է տուն գտնեն հենց Հայաստանում, այստեղ ապրել, աշխատել ու ստեղծագործել որպես լիիրավ քաղաքացիներ։
Փաշինյանը եզրափակեց․
Այս խաղաղությունը Իրական Հայաստանի գաղափարախոսության հաղթանակն է։ Մեր խնդիրն է պահպանել այն, ամրացնել ու դարձնել ինստիտուցիոնալ։