Արցախից բռնի տեղահանված անձինք ՀՀ քաղաքացիություն ստանալու համար գումար չեն վճարի
2025-ի սեպտեմբերի 1-ից Լեռնային Ղարաբաղից բռնի տեղահանված և ժամանակավոր պաշտպանություն ստացած անձինք կազատվեն Հայաստանի Հանրապետության քաղաքացիություն ստանալու պետական տուրքի վճարից։ Այս մասին հայտնում են ՆԳՆ Միգրացիայի և քաղաքացիության ծառայությունից։
Արցախից տեղահանված անձինք կարող են ներկայացնել իրենց դիմումները քաղաքացիություն ստանալու համար երկրի տարբեր մասերում՝ ավելի քան 40 հասցեներում գործող ծառայությունների միջոցով։ Մարզերում դիմումները ընդունվում են բոլոր ստորաբաժանումներում, Երևանում՝ Զաքյան 3 հասցեում գործող բաժնում, Ծառայության գլխամասային գրասենյակում, ինչպես նաև ՆԳՆ սպասարկման գրասենյակներում՝ շրջիկ ձևաչափով։
Նախկինում Հայաստանի Հանրապետության քաղաքացիություն ստանալու համար անձը պարտավոր էր վճարել 65,000 դրամ, սակայն այս նոր կարգավորումն ապահովում է, որ Արցախից բռնի տեղահանված անձինք ազատվեն այս վճարից՝ աջակցություն ցուցաբերելով նրանց նոր կյանք սկսելուն և ինտեգրվելուն Հայաստանում։