Հայտնի է հանրային տրանսպորտից օգտվողների արտոնությունների փաթեթը

Այսօր ներկայացվեց հանրային տրանսպորտից օգտվողների արտոնությունների փաթեթը։

Արտոնությունները կվերաբերվեն մի քանի տոմսային փաթեթների՝ ամսական, եռամսյակային, տարեկան և 10 ուղևորություններով տոմսային փաթեթներին։

Հանրային տրանսպորտից անվճար կօգտվեն՝

• մինչև 7 տարեկան երեխաները,
• միակողմանի կամ երկկողմանի ծնողազուրկ դպրոցականները,
• միակողմանի կամ երկկողմանի ծնողազուրկ ուսանողները,
• 1-ին կամ 2-րդ խմբի հաշմանդամություն ունեցող անձինք,
• պետական խնամքի կենտրոններում՝ ծերանոցներում կամ մանկատներում գտնվող անձինք,
• նպաստառուները, որոնք համապատասխան կարգավիճակ ունեն և որոշակի աջակցություն են ստանում պետությունից,
• նախկին ԽՍՀՄ հերոսներ, Հայաստանի ազգային հերոսներ, սոցիալիստական աշխատանքի հերոսներ, Մարտական խաչի 1-ին և 2-րդ աստիճանի և փառքի 3 աստիճանի շքանշաններով պարգևատրված անձինք,
• 4 և ավելի երեխաներ ունեցողները։

Հանրային տրանսպորտից զեղչային համակարգով կօգտվեն՝

• 8-18 կամ 17 տարեկաններ 20% զեղչ,
• 63 տարեկանը լրացած թոշակառուները 30% զեղչ,
• ուսանողները՝ անկախ հաշվառման վայրից 15% զեղչ,
• «Փարոսի» շահառուները 20% զեղչ։

Շուշան Ասրյան