Երևանում 10 բալանոց խցանումներ են

Երևանում տեղացող առատ ձյունից հետո երթևեկությունը գրեթե կանգ է առել։ Yandex քարտեզի տվյալներով՝ մայրաքաղաքում գրանցվել են 10 բալանոց խցանումներ։

Խցանումները տարածված են քաղաքի հիմնական հատվածներում՝ Կենտրոնում, Արաբկիրում, Նորք-Մարաշում, Շենգավիթում, Էրեբունիում և մի շարք այլ վարչական շրջաններում։

Տրանսպորտային հոսքերի ծանրաբեռնվածությունը նկատվում է հատկապես հիմնական խաչմերուկներում և կամուրջների հատվածներում, ինչի հետևանքով ավտոմեքենաների տեղաշարժը դանդաղել է կամ որոշ հատվածներում գրեթե անհնար է դարձել։

Խցանումների պատճառ է դարձել ոչ միայն առատ ձյունը, այլև դրա պատճառով տարբեր հատվածներում տեղի ունեցած ավտովթարները։ Այս պահին դրանց թիվը մեկ տասնյակից ավել է։

Yandex-ի տվյալներով՝ իրավիճակը գնահատվում է առավելագույն՝ 10 բալ, ինչը վկայում է երթևեկության լուրջ խնդիրների մասին։

Վարորդներին խորհուրդ է տրվում հնարավորության դեպքում ընտրել այլընտրանքային երթուղիներ կամ հետաձգել երթևեկությունը մինչև խցանումների թուլացումը։