«Turkish Airlines»-ը կգործարկի Երևան-Ստամբուլ ուղիղ չվերթեր

«Turkish Airlines» ավիաընկերությունը հայտարարել է, որ 2026 թվականի մարտի 11-ից կսկսի ուղիղ չվերթեր Երևան-Ստամբուլ-Երևան երթուղով։ Այս մասին հայտնում են Զվարթնոց օդանավակայանից։

Չվերթերը սկզբում կիրականացվեն ամեն օր, իսկ մայիսի 14-ից շաբաթական հաճախականությունը կաճի մինչև 10 չվերթ, հունիսի 15-ից՝ 14 չվերթ շաբաթական։

Հիշեցնենք, որ նախատեսվող չվերթերի մասին հայտնի էր դեռևս 2025 թվականի դեկտեմբերից։ Թուրքիայի՝ Հայաստանի հետ հարաբերությունների կարգավորման հարցերով հատուկ ներկայացուցիչ Սերդար Քըլըչը դա անվանել էր «ևս մեկ քայլ՝ առաջ»։

Մարինա Գրիգորյան