Թամանյան փողոցում կայանումը կարգելվի
Երևանի քաղաքապետարանից հայտնում են, որ Կենտրոն վարչական շրջանի Թամանյան փողոցում կկատարվեն փոփոխություններ։ Տրանսպորտային հոսքերի անցանելիությունն ավելացնելու նպատակով փետրվարի 27-ից կարգելվի ավտոմեքենաների կայանումը։
Մասնավորապես՝ օրենքը կգործի Թամանյան փողոցի ձախ կողմում՝ այգու հարակից ճանապարհահատվածներում։
Նշված ճանապարհահատվածում կիրականացվեն համապատասխան ճանապարհային նշանների տեղադրման աշխատանքներ:
Թամանյան փողոցը սկսվում է Մոսկովյան փողոցից ընդգրկում է Կասկադ համալիրի կանաչապատ պուրակը։ Թամանյան փողոցը Հյուսիսային պողոտայի շարունակությունն է։