Տեսախցիկներ կտեղադրվեն քրեակատարողական հիմնարկներում
Հայաստանի արդարադատության նախարարությունը նախատեսում է քայլեր ձեռնարկել քրեակատարողական հիմնարկներում մահվան դեպքերի կանխարգելման ուղղությամբ։ Նախատեսվում է հոգեկան առողջության խնդիրներ ունեցող անձանց խցերում տեղադրել տեսախցիկներ:
Այս մասին մայիսի 7-ին տեղեկացրեց ՀՀ արդարադատության նախարար Սրբուհի Գալյանը լրագրողների հետ ճեպազրույցում:
Նախարարն ընդգծեց, որ քրեակատարողական հիմնարկներում մահվան դեպքերի մանրամասն ուսումնասիրությունը շարունակվում է։
Որոշ դեպքերում դրանք կապված են ինքնասպանության հետ, հատկապես այն անձանց մոտ, ովքեր ունեն հոգեկան առողջության խնդիրներ կամ նախկինում ունեցել են ինքնավնասման դրսևորումներ։ Նրա խոսքերով՝ չնայած ներդրված բոլոր ջանքերին, երբեմն հաջողվում է կանխել միայն մահվան պահին տեղի ունեցող ճակատագրական հետևանքները:
Արդարադատության նախարարությունը ուսումնասիրում է միջազգային փորձը՝ տեսախցիկների տեղադրումը որպես նորամուծություն համարելով, որը հնարավորություն կտա արդյունավետ վերահսկել նմանատիպ խնդիրներ ունեցող անձանց։
Մինչև այս բոլոր մահվան դեպքերը կապված չեն եղել ինքնասպանությունների հետ։ Գալյանը բացատրեց, որ մի մասը բնական մահեր են, որոնք կապված են անձանց առողջական խնդիրների հետ։ Նա նաև նշել է, որ այս հարցում համագործակցում են թե՛ արդարադատության, և թե՛ առողջապահության նախարարությունները, որոնք ապահովում են պատշաճ բժշկական սպասարկում անազատության մեջ գտնվողներին:
Հիշեցնենք, որ դեռևս մինչև ապրիլ ամիսը քրեակատարողական հիմնարկներում գրանցվել էր 8 մահվան դեպք։