«Արագիլ ավիաուղիները» վերսկսում է իր նախագիծը՝ Հայաստանից ուղիղ չվերթով դեպի ԱՄՆ
«Արագիլ ավիաուղիներ» ավիաընկերությունը կվերսկսի իր նախագիծը․ ուղիղ չվերթով կապել Հայաստանը ԱՄՆ-ի և Լատինական Ամերիկայի հետ։ Նախագիծը կասեցվել էր։
Ավիաընկերությունը հայտնում է, որ նոր տվյալները հաստատում են Հայաստանի և նրա աշխարհով մեկ սփռված մեծ սփյուռքի միջև ուղիղ երկարատև չվերթների իրական և աճող պահանջարկի մասին։
Simple Flying-ի տվյալներով՝ Լոս Անջելեսի և Երևանի միջև երթուղին տարեկան սպասարկում է ավելի քան 134,000 ուղևորի, և այդ չվերթներից ոչ մեկը ուղիղ չէ։ Սա այն դարձնում է չորրորդը ԱՄՆ-ից ուղիղ չվերթներ չունեցող 10 ամենատարածված երկարատև երթուղիների ցանկում։
«Արագիլ ավիաուղիները» հեռահար թռիչքներ իրականացնող ավիաընկերություն է։ Այն պատրաստվում է աշխարհի խոշոր քաղաքները կապել Երևանի հետ ուղիղ չվերթով։