Իրանը օգտվում է հայկական ավտոբուսներից
Իրանի դեսպան Մեհդի Սոբհանին հայտնել է, որ Իրանից Հայաստան ժամանած քաղաքացիներին հայրենիք վերադարձնելու հարցում խնդիրներ են առաջացել ավտոբուսների պակասի պատճառով։ Նրա խոսքով՝ օրերս Մոսկվայից Հայաստան ժամանած 30 իրանցի արվեստագետների համար փորձել են կազմակերպել վերադարձ Իրանի տարածք իրանական ավտոբուսներով, սակայն այդ հնարավորությունը չի եղել։ Արդյունքում օգտվել են հայկական ավտոբուսներից։
Նախկինում յուրաքանչյուր շաբաթ Իրանի և Երևանի միջև 20 թռիչք էր իրականացվում, այս պահի դրությամբ այդ թռիչքները չկան: Այն բոլոր քաղաքացիները, որոնք ցանկանում էին Հայաստան այցելել, բնականաբար արդեն իսկ պետք է ցամաքային եղանակով Հայաստան գան, և դա բնական է։
Բացի այդ՝ Յուրաքանչյուր օր 2 երկրների միջև 600 բեռնատար ավտոմեքենա է փոխադրում իրականացնում: Իմ տվյալներով՝ ավտոբուսների շարժը շատ նվազել է: Այս պահի դրությամբ իրանցիներին Իրան փոխադրելու հարցում մենք ավտոբուսի խնդիր ունենք և հայկական ավտոբուսներից ենք օգտվում այդ հարցը կարգավորելու համար, – ասուլիսի ժամանակ նշել է դեսպանը։
Հիշեցնենք, որ ավելի վաղ ՀՀ էկոնոմիկայի նախարար Գևորգ Պապոյանը հայտարարել էր, որ Իրանի տարածքով հայկական բեռների տեղափոխման հետ կապված խնդիրներ են առաջացել, ինչի հետևանքով որոշ բեռներ մնացել են Բանդար Աբբաս նավահանգստում և հարակից ճանապարհներին։