Մեկ տարվա ընթացքում երկու անգամ առանց վարորդական իրավունք ավտոմեքենա վարելը կբերի քրեական պատասխանատվության
Օգոստոսի 2-ից Հայաստանում ուժի մեջ է մտել նոր օրենք, որը ուղղված են ճանապարհային երթևեկության անվտանգության բարձրացմանը և պատահարների թվի նվազեցմանը։ Ներքին գործերի նախարարությունը նախաձեռնել է օրենսդրական փոփոխություններ, որոնք խստացնում են պատասխանատվությունը առանց վարորդական իրավունք տրանսպորտային միջոց վարողների համար։
Վարչական իրավախախտումների օրենսգրքում կատարված փոփոխության համաձայն՝ առանց վարորդական իրավունքի մեքենա վարելը ենթակա է խստացված վարչական պատժի։ Նախկին 25,000 ՀՀ դրամ տուգանքը դառնում է 50,000 ՀՀ դրամ։
Փոփոխության կարևոր մաս է նաև այն, որ նույն խախտումը՝ մեկ տարվա ընթացքում կրկնվելու դեպքում, արդեն կբերի քրեական պատասխանատվության։ Այսինքն՝ վարորդին սպառնում են առավել լուրջ հետևանքներ, որոնք կարող են ընդգրկել ազատազրկում կամ այլ սահմանված պատժամիջոցներ։