Հայաստանում հեծանիվներով երթևեկությունը կդառնա ավելի տարածված
Հայաստանում հեծանիվները շուտով կարող են դառնալ ոչ միայն ժամանցի, այլև ամենօրյա երթևեկության ավելի տարածված միջոց։
Կառավարությունը հաստատել է ծրագիր, որը նպատակ ունի խթանել առողջ ապրելակերպը և զարգացնել հանրային տրանսպորտի այլընտրանքային ձևերը։
Ծրագրով նախատեսվում է, որ հեծանիվ վարող ուսանողների և դասախոսների համար կկազմակերպվեն կրթական արշավներ, իսկ բուհերում կհամագործակցեն հեծանիվների ներմուծմամբ ու վաճառքով զբաղվող կազմակերպությունների հետ։ Այն ուսանողները, ովքեր կմասնակցեն այս նախաձեռնությանը, կստանան ներբուհական զեղչեր, իսկ հեծանիվ վարող դասախոսները և միջոցառումների մասնակից ուսանողները կարող են արժանանալ պարգևատրման։
Բացի այդ, սահմանվելու է վարկերի տոկոսադրույքների սուբսիդավորման հատուկ կարգ, որը հեծանիվ գնելը կդարձնի ավելի մատչելի։ Սա ոչ միայն կնպաստի քաղաքացիների ֆիզիկական ակտիվությանը, այլև կօգնի նվազեցնել երթևեկության ծանրաբեռնվածությունը և օդի աղտոտվածությունը։
Նախաձեռնությունը կազդի նաև տնտեսության վրա՝ աշխուժացնելով հեծանիվների ներմուծման և տեխնիկական սպասարկման ոլորտը։