Հովհաննես Բաչկովը երկար դադարից հետո հաղթանակով վերադարձավ ռինգ

Տոկիոյի Օլիմպիական խաղերի բրոնզե մեդալակիր, աշխարհի քառակի բրոնզե մեդալակիր, Եվրոպայի կրկնակի չեմպիոն  Հովհաննես Բաչկովը (63,5 կգ) 6-րդ հաղթանակն է տարել պրոֆեսիոնալ ռինգում։

32-ամյա մարզիկը Դուբայում մենամարտել է Տանզանիայի ներկայացուցիչ Սվահիբու Ռամազանի հետ և հաղթել է տեխնիկական նոկաուտով:

Գյումրեցի բռնցքամարտիկը շուրջ 1,5 տարի է՝ մենամարտ չէր անցկացրել պրոֆեսիոնալ ռինգում։

Բաչկովը պրոֆեսիոնալ ռինգում նորամուտը նշել է 2020 թվականի հոկտեմբերին։

Դրանից հետո 32-ամյա մարզիկը տարել է 6 հաղթանակ։