«Ուրարտուն» ու «Արարատ-Արմենիան» հաղթանակներ տարան
Fastex Պրեմիեր լիգայի 2024/2025 թվականի խաղարկության 23-րդ տուրում տեղի ունեցան կարևոր հանդիպումներ։
«Ուրարտուն» սեփական հարկի տակ հաղթեց «Գանձասարին»։ Խաղի ընթացքում Բերտրան Ջունիոր Մանին առաջ մղեց հյուրերին, սակայն Ժիրայր Մարգարյանը հավասարեցրեց հաշիվը։ Հաղթական գոլը վերջին վայրկյաններին խփեց Վլադիսլավ Յակովլևը՝ ապահովելով «Ուրարտուի» 3 միավորը։ Այս հաղթանակից հետո թիմը 47 միավորով 2-րդ տեղում է, իսկ «Գանձասարը» 2 միավորով մնում է մրցաշարային աղյուսակի վերջին հորիզոնականում։
«Արարատ-Արմենիան» էլ վստահ հաղթանակ տարավ «Ալաշկերտի» նկատմամբ՝ 3:0 հաշվով։ Հաղթողների կազմում աչքի ընկան Նոուբիսին, Յեննեն և Գբոմադուն։
Այս հանդիպումներից հետո մրցաշարային աղյուսակը շարունակում է գլխավորել Երևանի «Նոան» 49 միավորով։ 47 միավորով երկրորդը «Ուրարտուն» է, երրորդը «Փյունիկն» է՝ 43 միավորով։ Վարդան Մինասյանի գլխավորած «Արարատ-Արմենիան» 42 միավորով չորրորդն է, իսկ «Վանը» հինգերորդն է՝ 41 միավորով։