Հազվագյուտ մետաղների պակասուրդը կանգնեցրել է Suzuki-ի արտադրությունը Ճապոնիայում
Ճապոնական Suzuki Motor ընկերությունը մայիսի 26-ից դադարեցրել է Swift մոդելի արտադրությունը՝ հիբրիդային շարժիչների համար անհրաժեշտ բաղադրիչների պակասի պատճառով։ Այս պակասուրդը պայմանավորված է Չինաստանի կողմից հազվագյուտ մետաղների արտահանման սահմանափակումներով, որոնք կիրառվում են ապրիլի 4-ից։
Չինաստանը, որը վերահսկում է համաշխարհային հազվագյուտ մետաղների արտադրության շուրջ 90 տոկոսը, սահմանափակել է դրանց արտահանումը՝ ԱՄՆ-ի հետ առևտրային լարվածության պայմաններում։
Այդ մետաղներն առանցքային նշանակություն ունեն էլեկտրական շարժիչների արտադրության համար։ Չինաստանը վերահսկում է դրանց համաշխարհային արտադրության մոտ 70 տոկոսը։
Չինաստանի սահմանափակումները զգալի ազդեցություն են ունեցել գլոբալ ավտոարդյունաբերության վրա։ Ford-ը ժամանակավորապես դադարեցրել է իր Chicago գործարանի արտադրությունը, իսկ BMW-ն և Mercedes-Benz-ը վերանայում են մատակարարման շղթաները՝ հնարավոր պակասուրդներից խուսափելու համար։
General Motors-ը փորձում է մշակել նոր շարժիչներ՝ հազվագյուտ մետաղների նվազագույն կամ զրոյական պարունակությամբ։
Mercedes-Benz-ը բանակցում է մատակարարների հետ՝ անհրաժեշտ պաշարներ ստեղծելու նպատակով։
BMW-ն հայտնել է, որ մատակարարները զգալի դժվարությունների առաջ են կանգնել։