Նվեր Ծառուկյանի նկատմամբ միջազգային հետախուզում է հայտարարվել
2025 թվականի հունվարի 23-ին դատարանը որոշում է կայացրել «Բարգավաճ Հայաստան» կուսակցության նախագահ Գագիկ Ծառուկյանի որդի Նվեր Ծառուկյանի նկատմամբ կալանքը որպես խափանման միջոց կիրառելու մասին։ Նրա նկատմամբ հայտարարվել է միջազգային հետախուզում։ Նույն գործով մեղավոր են ճանաչվել նաև Ծառուկյանի անվտանգության աշխատակիցները։ Նրանք մեղադրվում են 2024 թվականի հոկտեմբերի 26-ին Ծաղկաձոր քաղաքում գործող խաղատանը զենքի գործադրմամբ կատարված խուլիգանության և հափշտակության մեջ։
Դատախազության հաղորդագրության համաձայն՝ քրեական վարույթի շրջանակներում քրեական հետապնդումներ են հարուցվել Նվեր Ծառուկյանի անվտանգության աշխատակիցների նկատմամբ՝ մի խումբ անձանց կողմից նախնական համաձայնությամբ գույքի պահպանման համար նախատեսված միջոցը վնասելով կողոպուտ կատարելու և հանցանք կատարող անձին աջակցելու համար։ Նվեր Ծառուկյանը մեղադրվում է մի խումբ անձանց կողմից նախնական համաձայնությամբ գույքի պահպանման համար նախատեսված միջոցը վնասելով կողոպուտ կատարելու դրդչության, զենքի գործադրմամբ կատարված խուլիգանության և ապօրինի կերպով հրազեն պահելու հոդվածներով։
Ավելի վաղ Քննչական կոմտեից հայտնել էին, որ վարույթի շրջանակներում 5 անձի նկատմամբ քրեական հետապնդում է հարուցվել, նրանց կալանավորելու որոշումներ են կայացվել, և նրանց նկատմամբ հետախուզում է հայտարարվել։ Թիկնապահներից 3-ին հաջողվել է ձերբակալել։ Սակայն Նվեր Ծառուկյանը մնում է ազատության մեջ։ Նրա փաստաբանի խոսքով՝ «Մուլտի Գրուպ»-ի բաժնետեր Ծառուկյանը մեկնել է նախապես պլանավորված գործուղման՝ Բելառուսից Ռուսաստան, Ռուսաստանից՝ Բելառուս և ավարտին կվերադառնա Հայաստան։