Դատավորը մեղադրվում է կաշառքի գործընթացին մասնակցելու մեջ
Երևանի Շենգավիթ վարչական շրջանի ընդհանուր իրավասության դատարանը ապրիլի 29-ին հայտնվել է ուշադրության կենտրոնում։ Հակակոռուպցիոն կոմիտեի քննիչները մտել են դատարանի շենք՝ քննչական գործողություններ իրականացրել և բերման ենթարկել դատավոր Արտուշ Գաբրիելյանին։ Պաշտոնապես հաստատվել է, որ գործողությունները կապված են կաշառք տալու, ստանալու և դրան օժանդակելու գործի հետ։
Հիշեցնենք, որ Գաբրիելյանը նախկինում քննության է առել մի շարք աղմկահարույց գործեր՝ ներառյալ Գագիկ Խաչատրյանի, Սամվել Մայրապետյանի, «Սասնա Ծռերի» ու Պեմզաշենի սպանության դեպքերը։ Բայց վերջին ամիսներին հենց նա է հայտնվել քննության կենտրոնում։ Անցած տարի դատախազությունը պահանջել էր բռնագանձել նրա ու նրա հարազատների գույքը, իսկ Բարձրագույն դատական խորհուրդը նրան կարգապահական պատասխանատվության էր ենթարկել։
Ավելի վաղ տեղեկացրել էինք, որ Հակակոռուպցիոն կոմիտեի քննիչները Երևանի ընդհանուր իրավասության դատարանում քննչական գործողություններ են իրականացնում կոմիտեում քննվող քրեական վարույթով։