Պտղնի համայնքի նախկին ղեկավարը և ևս երեք անձ ձերբակալվել են
Հակակոռուպցիոն կոմիտեի վարույթում գտնվող քրեական գործի շրջանակում ձերբակալվել են Կոտայքի մարզի Պտղնի համայնքի նախկին ղեկավարը՝ Առաքել Վիրաբյանը, ինչպես նաև ևս երեք անձ։ Ըստ կոմիտեի՝ նրանք բոլորն էլ առերևույթ առնչություն ունեն հանցավոր սխեմայի հետ, որի շրջանակում կատարվել են պետական և համայնքային հողերի հափշտակություն, պաշտոնեական լիազորությունների չարաշահում և փողերի լվացում։
Հակակոռուպցիոն կոմիտեն հաստատում է, որ նախկին պաշտոնյան մեղադրվում է միաժամանակ մի քանի ծանր հանցագործությունների մեջ՝ խարդախություն, վատնում, պաշտոնեական կեղծիք, լիազորությունների անցնում և առանձնապես խոշոր չափերով փողերի լվացում։ Նրա երեք համախոհները, ըստ մեղադրանքի, աջակցել են Վիրաբյանին այդ հանցանքների իրագործման հարցում։
Քրեական վարույթը վերաբերում է Պտղնիի վարչական սահմաններում գտնվող 23 միավոր պետական և համայնքային հողերի հափշտակությանը։
Քրեական վարույթը շարունակվում է, իսկ ձերբակալվածների խափանման միջոցի հարցը քննվելու է դատական կարգով։