Առանձնապես խոշոր չափերով թմրամիջոցի ապօրինի շրջանառության դեպք է բացահայտվել․ կալանավորվել է 8 անձ
Բացահայտվել է առանձնապես խոշոր չափերով թմրամիջոցի մաքսանենգ տեղափոխման և իրացման փորձի դեպք։ Ըստ քննչական կոմիտեի տարածած հաղորդագրության՝ երկու օտարերկրյա քաղաքացի մաքսանենգ եղանակով Հայաստան են տեղափոխել շուրջ 1.8 կգ «Մարիխուանա» տեսակի թմրամիջոց։ Այնուհետև ՀՀ և օտարերկրյա մի խումբ քաղաքացիներ փորձել են իրացնել նշված նյութը, սակայն ձերբակալվել են։
Գործով հանրային քրեական հետապնդում է հարուցվել 6 անձի նկատմամբ՝ ՀՀ քրեական օրենսգրքի համապատասխան հոդվածներով՝ կապված թմրամիջոցների ապօրինի շրջանառության, մաքսանենգության կազմակերպման և իրացման փորձի հետ։
Նշված անձանց նկատմամբ որպես խափանման միջոց կիրառվել է կալանք։
Միևնույն ժամանակ, թմրամիջոցների տեղափոխումը կազմակերպած երկու օտարերկրացիների նկատմամբ նույնպես հարուցվել է քրեական գործ՝ թմրամիջոցների ապօրինի շրջանառություն իրականացնելու կամ իրացնելու, մաքսանենգության կատարելու համար։ Նրանց նկատմամբ նույնպես կիրառվել է կալանք և հայտարարվել է հետախուզում։
Քննությունը շարունակվում է։