«Գանգրահեր տղայի» այգում հայտնաբերվել է թմրամիջոցների խոշոր խմբաքանակ
Երևանի կենտրոնում՝ «Գանգրահեր տղայի» այգու տարածքում, իրավապահները հերթական անգամ կանխել են թմրամիջոցների հնարավոր շրջանառություն։ Ոստիկանության աշխատակիցները նկատել են Tesla մակնիշի մեքենայի հետևում կանգնած մի երիտասարդ, ով իրավապահների ներկայությունը նկատելուց հետո փորձել է ազատվել իր ունեցած պայուսակից՝ այն նետելով խոտածածկ տարածք։
Ոստիկանության տարածած նախնական տվյալներով՝ փաթեթի ներսում եղել է թմրամիջոցի նմանվող բուսական ծագման զանգված։ Պարզվել է, որ տոպրակի մեջ եղել է 60 առանձին փաթեթ, որոնք լցված են եղել ենթադրաբար թմրամիջոց պարունակող նյութերով։
Նույն օրը 24-ամյա երիտասարդը ձերբակալվել է։ Նրա նկատմամբ նախաձեռնվել է քրեական վարույթ՝ թմրամիջոցների ապօրինի շրջանառության կասկածանքով։ Նշանակվել է փորձաքննություն՝ պարզելու զանգվածի ճշգրիտ բաղադրությունը։
Երիտասարդը տեղափոխվել է ձերբակալվածների պահման վայր։ Քննությունը շարունակվում է, իրավապահները պարզում են դեպքի բոլոր հանգամանքները, այդ թվում՝ արդյոք նա գործել է մենակ, թե կա կազմակերպված ցանց։