Երևանում կենցաղային վեճը ավարտվել է դանակահարությամբ. 20-ամյա երիտասարդը ներկայացել է ոստիկանություն
Երևանում կենցաղային տարաձայնությունն ավարտվել է դանակահարությամբ։ Հունիսի 15-ին՝ ժամը 21:00-ի սահմաններում, «Էրեբունի» բժշկական կենտրոն է տեղափոխվել 22-ամյա մի երիտասարդ՝ կրծքավանդակի ձախ հատվածում կտրած-ծակած վերքերով։
Ոստիկանությունից հայտնում են, որ դեպքի առթիվ անմիջապես նախաձեռնվել է քրեական վարույթ։ Պարզվել է, որ նույն օրը՝ երեկոյան ժամը 20:00-ի մոտակայքում, կենցաղային հարցերի շուրջ վեճ է տեղի ունեցել 20 և 27 տարեկան երկու երիտասարդների միջև։ Բախման ժամանակ 20-ամյա երիտասարդը դանակով հարվածներ է հասցրել իր հակառակորդին՝ պատճառելով ծանր մարմնական վնասվածքներ։
20-ամյա երիտասարդը ներկայացել է բաժին։ Նրա նկատմամբ հարուցվել է հանրային քրեական հետապնդում։
Դեպքի բոլոր հանգամանքները պարզվում են նախաքննությամբ։