Կապանում բազալտե եզրաքարի տակ մնացած 7-ամյա տղան մահացել է
Հուլիսի 9-ին ողբերգական դեպք է տեղի ունեցել Սյունիքի մարզում։ Ժամը 18։00-ի սահմաններում Կապանի բժշկական կենտրոն է տեղափոխվել 7-ամյա երեխա՝ մարմնական ծանր վնասվածքներով։
Պարզվել է, որ երեխան՝ Սյունիքի մարզի բնակիչ Մարկ Ղ.-ն, մեջքով հենվել է շինարարության տարածքում իրար վրա դրված բազալտե եզրաքարերին, ինչի հետևանքով դրանցից մեկը ընկել է նրա վրա։
Մարկ Ղ.-ն տեղափոխվել է հիվանդանոց՝ «պոլիտրավմա» ախտորոշմամբ և անմիջապես տեղափոխվել վիրահատարան։ Սակայն, բժիշկները չեն կարողացել փրկել երեխային։
Amnews-ին հյատնեցին, որ Քնչական կոմիտեի Սյունիքի մարզային ստորաբաժանումներում փաստի առթիվ նախաձեռնվել է քրեական վարույթ։
Մարկ Ղ.-ն սովորում էր Կապանի դպրոցներից մեկի 3-րդ դասարանում։