Ռուբիկ Հակոբյանը կալանավորվեց իշխանությունը զավթելու կոչերի մեղադրանքով
Ազգային ժողովի նախկին պատգամավոր Ռուբիկ Հակոբյանը երկու ամսով կալանավորվեց։ Որոշումը կայացրել է դատարանը՝ իրավապահների ներկայացրած միջնորդության հիման վրա։
Հակոբյանը ձերբակալվել էր հուլիսի 18-ին։ Քննչական կոմիտեի հաղորդմամբ՝ նրա դեմ հարուցվել է հանրային քրեական հետապնդում՝ իշխանությունը զավթելուն ուղղված հրապարակային կոչեր հնչեցնելու հիմքով։
Ըստ նախաքննական մարմնի՝ Ռուբիկ Հակոբյանը 2025 թվականի հուլիսի 1-ին, զանգվածային լրատվության միջոցով տված հարցազրույցի ընթացքում, կատարել է հրապարակային հայտարարություն, որը դիտարկվել է որպես կոչ՝ իշխանության զավթման համար։
Քննչական կոմիտեից հայտնում են, որ ձեռք են բերվել համապատասխան փաստական տվյալներ, որոնց հիման վրա նա ներկայացվել է դատարան։
Նշենք, որ Քրեական օրենսգրքի նշված հոդվածով մեղադրվող անձին սպառնում է ազատազրկում՝ մինչև երկու տարի ժամկետով։